أمل جديد

منداحة هي مع الحنين

تتباهي بي عز الي الفات                               

                                                                            

نسيانة آنو الجاي كتير 

والفات فتات  

                                                      

وإن كان أمس سمح السمح

فالليلة ضئ وأمل جديد والقبلو مات   

إنت جااااادي

بيسال جاااد...                                                   

كاني نسيت 

او اتبخر كلامو الفات 

مشتاقين...                                       

ما حكلو ليك بشوقنا المات                               

اهو اتبخر مع الاهات                                       

الاحوال...

طيب وسلام 

حتي الغم وراك مابات                

والاحزان ليها زمن 

لا افتكرتنا لايوم جات

بتتذكر...

كيف يعني؟!   

دي كلها صفحتين مالين سواد ...

منو القال ليك بينفعو ذكريات؟!       

سيدي

سيدي...                                                             

أريدك لي وطنا

 لا قصرا نسكنه الظلال 

أريدك رجلا من طين وماء 

تلمسك يداي لا خيال 

أنا انثي بوعي الزمن 

لا يستهويني الكمال 

ولدت لأغير في الكون 

معني الجمال

هي

إعتدتها لكنها تهوي إمتلاكي                               

تثور إن تاخر التلاقي                                   

وتدعي بانها صديقتي                                      

لم القي قبل اليوم صديقة تعادي                    

تلومني بغير منطق تعاتب                      

لكل من يحبني معاقب                                      

تنزوي بجابني...  وفجاه بحقها تطالب        

جميلة غريبة كطفلة عينت مراقب               

أحببتها وأحبها لها في جوف قلبي موطن وجانب                         

اقول ليك كلام

اقول ليك كلام... 

 انا زاتي حبيتك شدييييييد

واخلصت ليك يااغلي ريد

وبديت معاك مشوار جديد

يوم بيوم اللهفة والاشواق تذيد

احلامي بيك نكهات فرح مزيونة عيد

اقول ليك كلام...

انا زاتي حبيتك شديييييد

لكني حر وطريقي ابعد من بعيد

امالي اكبر من خيال رؤياك لي بيتنا السعيد

يمكن اكون انا زول عنيد

لكني حبيتك شدييييييييد

اقول ليك كلام....

أنا زاتي حبيتك شديييييد

بس عادي جدا نفترق

ماشرط ننهيهو الطريق

حلوة البدايات ياصديق

والعشرة والناس والوقت

الصحبة ...

والفرحة ... العبر 

والدمعة...                                                  

و الذكري المضت

وانا برضو حبيتك شديد

إحساس غريب

من فترة والشوق انتظم                              
و احساس غريب سري في المسام
البال شريد ...                                              
والفكر حار ...                                                    
والعقل ياناس ماتمام                                  
كاني ... صاحي وسط حلم في عيونا نام
كانها .... متوسداني يقين وضئ من الف عام

اخونا زمان

الزول الي اول مافتحنا لقينا في وشنا

ود الخال ود العم ود الجيران الحنان

الود المكرهنا وعامل علينا كبير و مسؤول عننا مكان ماتمشي تلاقي معاك وكل ماتعمل حاجة تلقي الخبر  وصل قبل ماتصل انت

 انتيمك المجننك بالنصائح والفلسفة ومطبق عليك نظرية اكبر منك بيوم، واقف في الحلق لابينزل و اريحك ولا بيطلع ويريح نفسو ....

اغلبنا كان عندهم انتيم بالمواصفات دي واكتر ،وشوية شوية كبرنا ،وانتيمنا بقي اخونا او حبيبنا او صديقنا ،طبيعي لانو جزء من حياتنا من بداية البداية بيعرفنا كويس وحافظنا حفظ...

بس الي ما طبيعي...

 لما المسافات والثقافات تعمل حاجز

واصحابو واصحابا يشغلوها

واحلامو واحلاما يتضاربو 

ويتغير الاسلوب وتبدا مرحلة اخونا زمان

لما نحس اننا خلاص كبرنا و ممكن نغير مسار العالم ، وكل زول يمشي في طريق...

احلي مافي الحياه انها بتجمعنا تاني وتلمنا ولو صدفة، بس في الي بيحسها قدر ويرجع يقلب دفاترو ويعيد النظر، وفي الي بعتبرا صدفة وحتتكرر ...

صح نحنا كبرنا واتغيرنا

وممكن قسينا و نسينا كتير

 لكن انتيمنا و الزول المجننا مابيتنسي

حتي لو بقي اخونا زمان

صبرا جميل

ياخ انت دا غلبتني                                         

وحيرتو قلبي معاك عديل 

كل ما اقول قربتا ليك 

القاني في الدرب الطويل                 

حيران مشلهت دون دليل                          

لارفقة لا زول يتسال                                   

 الا الصبر ؛ صبرا جميل