حاجة تحير إنك كل يوم بيجيك إحساس بالخنقة، من الجو والبلد الي انتي فيهو، و تتمني لو هسي تخلي كل شئ وراك وتطش اي تطش عديل، وترتاح وتريح الي ماعاجباهم نقتك، مع انك عارف وهم عارفين انك عارف نقتهم والجرس.
لكن جد لو بس مشيت زيارة كدا كم كيلو، في حاجة بتجيبك راجع و تكون مقلق و تفكر متين ترجع عشان ترتاح " تكون شيزوفرانيا دي ؟! ولا عشان عارف روحك راجع؟! " المهم؛
يعدي شوية وقت ونرجع لنفس الموال، تفتكروا العقدة وين؟
نحنا بنحب البلد دي؟! ولا بنكره الي فيها؟! عايزين نطش ولا بنستهبل؟! ماهو ما ممكن نخم كل حاجة معانا، وكل حاجة عاجبانا لازم تتنازل عن شي عشان تلقي غيرو " والطمع قل ما جمع "
تلقي واحد من ولدوهو حلمو يسافر مع انو لسا ماعرف يعني شنو سفر، بس المهم كبر و انضرب واتعذب و جاب لي ورقة موثقة ومسافر وربنا سهل، يومين اسبوع والشوق والريد و الحنين جاري التفعيل وانا والوطن والاهل وهواك " ياربي صبرني "، ذي دا تقولي تعال يفصل وتنشيطوا ينتهي، نفهم شنو ؟! الناس دي مالا ؟! كدي فهموني حاجة
وبعدين تمر السنين ويغلب الحنين ونرجع مبسوطين، وبرضو يوم في اسبوع النقة والزهج و هنا وهناك انا كنت و انتو هسي
و تضرب الجرس " الجابك شنو ؟! " الذي دا مشكلتو مامفهومة تقولي ارجع يطنطن تقولي خليك برضو يطنطن و كلها شوية
و تبدا الجولة من جديد
#وهكذا_الخ
#وبعدين_في_اللخبطة_دي
#في_شنو_ناس
