فاهمني؟!

ما كل شي بتقال، في حاجات #بتتحس وبس،
  فشغل مخك و ركز معاي، ماشرط اقليك
وين أنت ياخ عشان تعرف إني #فاقدك،
ولا ضروري أسمعك نص الغرام يوميا😍،
عشان تتأكد اني #مكسر فيك، مش لازم
اكشر في وشك طول الوقت 😒عشان تفهم
إنك #غلطان، ما بيصح أشحد #إحساسك لانو
المفروض إني جزء منك، ما #تنتظر مني اقول
ليك تعمل شنو علشاني لانو وقتها حيكون
انا الي عملت😣، فاجأني إنك #بتفهمني،
صح لازم نعبر و نعترف و نقول و نحكي
#احاسيسنا بصوت عالي، بس مادائما،
علشان في الي بيوصل من القلب #للقلب💜
بدون ولا حرف، ودا احساسو برا #فاهمني؟!

#حياه

يوم المرأة

من #يوم_المرأة عندنا، الدقش قبل الديك
تصحي، عشان في ناس لازم يصحوهم
ولا يحيضيع عليهم الشغل، و ناس حيطردوهم
من المدرسة ( اي بيطردو عاااادي)  او حيضربوهم
من الصباح ( اي ضرب ماتقول لي الوزاره مانعا
انا ذاتي بقولو الكلام دا) ، و في الي مروق
و عايز مايصحو ولا يجو بعند سريرو لكن لازم
يصحي ( قشه عينو من النوم)  يلاقي الطقة
جاهزة ( الاكل) 😒
، اها المرأه ( حبيبتنا)  قامت و اتقسمت واتقطعت
و من هنا وهناك و علشان دا وداك و أنجزت
و كل ماتجي ترتاح ليها حبه يجي زول ناطي
عايز لي شي، ( والله #سوبر_ومن) ، 💪

يلا الصباح انتهي والبيت يلمع و العده اتظبطت و الاكل جاهز ( في الي لازم يغرفولي) 
المهم في حاجات تانية، فلان مات و ناس هناية
عندهم عرس و جيرانا عربيتهم خدشا مفتاح
( اي بكفرو ليهم دا حادث مالكم)  و شافع
فلانه محموم،😞
يلا العصر قرب ( اي الزياره نصت نهار) ،
عشان تلحق الجايين بعدين ديل تظبط ليهم
امورهم لحدي ماينومو ( دا غير الشفع و الكبار
الذي الشفع واحد) 
#هذه_يوم_المرأه 😲 العادي و يستاهل
كل يوم يكون عالمي #مش هو الاحتفال دا
بمناسبة ذكري احتراق موظفات اتحرقو احياء
داخل مصنع لانهم اعتصموا ( سمعتا كدا) ،
طيب في حرقة اكتر من الدوامة دي،

#بالجد الستات نعمة رحمة وراحة، ماف شي
في الكون ممكن يفهك ويخفف عليك قدر
امك، ولا واحده تجهجهك و تهتم بيك في
نفس الوقت وتخاف عليك قدر اختك، ولا
حتلاقي حب وحنان واهتمام غير من ام اولادك
حتي اولادك بتلاقي بتك عايشة دور الام
و مهتما بتفاصيلك، 😍 💜
#يااخ ربنا يحميهم و ياريت #رفقا_بهن
#عزيزتي، خلي كل يوم يومك اول ماتصحي
قولي دا يومي وحيكون اجمل يوم،😍
#كسره، ماتطبقي الرضة الفوق دي كلها "#نفسنه لانو ماف زول عبرني 😞 "☺😁

#حياه

حاجة تزهج

صحيت الصباح، على 10 كدا " اي دي الصباح،
عطلة وكدا 😁" قلت خلاص الليلة دي حظي
اقضي مشاويري براحة، ظبت الفطور
" اصلا كان جاهز،🙊  فطرت وطلعت "،
يلا من مافتحت الباب عيني لي ناس تامن
" الممتحنين " ياخ شكلهم يفرح راجعين من
الإمتحان وغلاط شديد و ضحك هم ذاتهم
ماحاسين بي نفسهم، ذكروني ايام جميله،
الشلة والشقاوة و حيط المدرسة، فسحة
الفطور، أولاد الثانوية، اللبس و الشياكة،
غشوه بعد المدرسة، وشراب الموية كل يوم
في بيت صاحبتنا،  ياااخ #لما_كنا_صغيرين
😍😘ومع شريط الذكريات والابتسامات
العريضة نسيت ذاتو إني في الشارع،
و حتي لما ركزت اتذكرت انو نفس الشارع،
شارع المدرسة الي بجي في كل يوم
وأنا طالعة علي المواصلات، لكن الليلة
جد كان مختلف حتي سخانه الصيف
بقت ظريفة حسيت انها بتشتي مع حبه
تلوج بيضا " كأني في لبنان💜 "
#إحساس_جميل، خطوتين في نص الشارع
و وقع لي الحدث😨، طلعت ضربه شمس
مع التفائل الزائد و الذكريات الما ليها داعي😞
خلوني أشوف اوراق الكرسات و الكتب
المشرطة في نص الحلة قدام المدرسة تلج،
#خيبة_أمل، وبكرة يقوليك يوم النضافة😒 ،
و جمعيات الاحياء بالتعاون مع طلاب المدارس،
انا ماطالعة و مابنضف و ماف زول فيكم
يجي يدق لي الباب 😬
#هدي_كلمتكم  #سكت_الكلام و مشواري
ذاتو بعد علي

#حياه

يـــــارب

عندما يغفو النهار
و يشرع المساء كفه
و تعتلي الأحلام منبر المنام
يغوص مِلأ جفني الأمل
مناجياً ؛ يــــا خالقي، يــــارب كن معي...
#حيــــاه

قلب عاجز

 عارف لما تحس انو قلبك عاجز،💘
ماعارف تطرد زول من جوا،
مع أنو مطلع عينك، وساقيك المر،
و شغال تتاتي في، كانو جناك،👶 #احساس_عجيب،
لا وايــــه😒 ؛زولك قاعد رجل فوق رجل،
ولا يهمو،  قدر ماتقول خلاص
" نحنا كنا وكان زمان " تلاقى " الحنين دفاق "
#دا_جنسو_شنو😒

#حياه

صعب بس حاصل

عزيزي...
لما اصحي واقوليك أنا صحيت و يسعد
صباحك،  لما أشرب الشاي واقوليك إتفضل ،
لما أطلع و اقليك بعد اذنك، لما أقول عشان
خاطر عيونك، حامشي أو حاجي او حاعمل
او ماحاعمل، لما اتنازل بدون نقاش، لما أقول
حاضر و أنا بين بين، لما أقول على زوقك، لما
أحب زوقك، لما افضلك علي، لما اقدم خيارك
او امشي مع رأيك، #مابعني اني ضعيفة، ولا
مابقدر أعيش بدونك، ولا انو حياتي واقفة
عليك، ولا انك بتفهم احسن مني، #الفكرة،
أنو البنات كدا، لما يحبو بيفتحوا الباب
ضلفتين، بيشاركوا الصغيرة قبل الكبيرة،
بيشيلو فوق راسهم، و لو كانت قربه مخرومة،
#بس في فرق بين نحب بعض و أحبك ، في
فرق بين نشارك بعض واملكك، في فرق بين
نساند بعض و أمرك، في فروقات كتيرة
#فركز_معاي انا حبيبتك،خطيبتك،ام عيالك،
أنا سندك و راحتك، انا ليك بس ماينفع
اكون من اشيائك...
#صعب_الكلام_بس_حاصل

#حياه

تسلم يازوق

#هدية🎁
لما تهدي لشخص #اى_حاجة معناها هو شخص عزيز عليك، إنت بتقدرو، بتعزو، في بينكم علاقة طيبة، مش شرط #بتحبو و #مكسر فى، ولا شرط تكون بترد الجميل ذي ماهداك هاديتو،

هي فعل إنساني راقي، ما ليها علاقة بالمصلحة و القيمة المادية، ما لازم تكون دهب او فضة او بالشي الفلاني، لانو قيمتها الحقيقية في تقديمها، انك اتذكرتني،😍

الي عاشوا حياه الشلة و الناس المانتما، لما تشتري لصحبتك هديه او تجيبي ليها من الحاجات الي رسلهم ابوك او اهلك و تدخليها في ظرف او كرت و تكتبي عليها و القلوب ماتديك الدرب، لما ترسلي ليها شريط وتقوليها فيهو غنية حلوه، لما تمشي ليها في البيت و تشيلي ليها كيكتك الي مابتتقابل 😁 وانتي مبسوطة، وفرحانه بمشاركتك ليها، ايوا هي الفكره في #المشاركة، انو بنقول لبعض نحنا موجودين مع بعض، نحنا قريبين، متفاهمين، بنود بعض،

اكتر شخص بيفهمك بتعرفوا من هداياهو دايما بفاجئك😉 عمرو مابفاخر ولا بغالي تلاقي كل الناس خمت و ماخلت ليك شي لكن هو فاهمك، مشي جاب ليك كتاب بتحبو، شكل او لوحة بتذكرك بايام قديمة، حاجة كدا مامفهومة بس بتعجبك لانو عملا بايدو علشانك 😍 💜
#علشانك دي ذاتا الفكرة انت جبت حاجة علشاني، عجبك لي،  حبيتها لي #تسلم_يازوق

#حيــــاه

فواصل

وتبقي لهم بقلوبنا دعوات
دعوه بظهر الغيب
رغم غيابهم و غياهب أفعالهم بنا

يخرسوننا غضباً...
وغصباً يتسللون افئدتنا لحظة أجابه

لماذا؟! 😢
لأننا نحبهم... " اللهم أسعدهم واسعدني بهم "💔

#حيــــاه

فواصل

#صباحكم_خير
أرى فيك ما لا يستطيع العالم رؤيته
عزيزتي، ذاتى " انا أستحق الحب "

حدثها ؛ يومي جميل... أنا متفائل
⤵⤵
#حيـــــاه