مرتاح وبعيد ماشايل هم
في نجمه هناك شايفاك مندس
بتعاين لي ولا الاميال غيارة حس؟!
انا جد مشتاق مابقدر ادس ...
في صورة معاي
شايلاك جواي
في الصورة معاك
جمب البرواز بارزات اطياف
وخيال من ضوء لي زول شفاف
يمكن احساسك اني معاك؟!
مكان في البيت عدل الشباك
وكراسي الحوش براد الشاي
ضيفنا الماجاي
في ليل حكاي
الونسه دقاق وانا زولي حداي
ايام بتمر ...
وانا لسا هناك جمب الشباك
شايفاك معاي
لسع ماجاي؟!
ليست هناك تعليقات:
إرسال تعليق