بس مابعرف هسي أشوفك
شويه وساعة وتحكي ظروفك
أنا مابفهم عايز أشوفك
لمتين أنا مستني وعودك ؟!
قبيل في بيتكم
لمن جيتكم
جافي سلامك
والبغيظ ويجنن ذاتو ...
عدمو كلامك
ياخ أنا جاركم
قولي أتفضل ساي لو غالبك
ساعة وأكتر أشيل وأتعذر حارس بابك
جد ماممكن عديل مابقدر
يومي إتعكر من دون صوتك
ما تفتكري إني حارضي وأقعد ساكت
أنا مجنون ممكن أشتاقكك
وكل شوية انط في نومك
وأحلف أجيك لو في قيلولتك
أسكن حلمك وأشغل بالك
ياخ مالك ...
هو أنا غلطان شان قلت بريدك
ياخ بريدك وتاني بريدك
و أنا مابفهم عايز أشوفك
وعيني في عينك
وأسمع ردك
لما أقوليك إني بريدك
وكلمي ناسك
أنا جايكم طالب إيديك
ليست هناك تعليقات:
إرسال تعليق