#عادي_بيحصل
اتنين يحبو بعض و يتعلقوا ببعض
وتكبر احلامهم في النور
وكل الناس يعلقوا علي سعادتهم
واهلهم يفرحوا ليهم
رغم كل التحفظات من كل الجهات
#حب_شديد
من شده حبو ليك يقيف قدام كل التحفظات
و يخلي كل الحوليهو مقتنعين ومباركين
و انتي من زوقك وادبك وتعاملك الراقي تقوي موقفوا
وتخلي كل الناس تحبك
و تصبحي بنتهم واكتر
#شوية_زمن
الشباب علشان يكون اسرة ويستقر
عايز زمن
و شوية تضحيات من الطرفين و بما انكم متفاهمين
ماف مشكلة كلها سنه و يجمعكم بيت
و الصبر مفتاح الفرج
#غير_عادي
لما فجاه كل شئ يتغير
حتي الانسان الي حبيتي
يرجع شخص تاني بتمسك
بمبدأ تاني و حياه تانية
مع شخص تاني دا بيعني شنو؟!
فجاه بدون مقدمات تكتشف
انو كل الي فات وهم جميل
وبدون سابق انزار انت
خارج دائرة الاهتمام
#السؤال
الشخص الي حبيتوا كل الوقت
دا شنو الي غيرو
" كائنات فضائية احتلت عقلوا وقلبوا" ؟!
اهلو الي كنتي بتهم " خاصية الامومة معاهم نفدت " ؟!
كيف ممكن يلاقيك و عينو فعينك
بدون خجل
ولا زرة ندم " فقدان ذاكرة مفاجي " ؟!
حيقول شنو عنك لشريكو الجديد
" انو كان غبي وعايش وهم ماقدر يكملو " ؟!
كيف ممكن يؤثق في كائن ذي دا
" لله في خلقة شؤون" ؟!
#منطق
في منطق كدا غريب جد انا لسا
ماعرفت الناس الي مقتنعا بيهو
مستوعبا كيف
لما اي ولد يقرر انو ماقادر يكمل
مع الانسانه دي
لانو الانسانة التانية ديك مناسبة اكتر
معناها هو الراجل وليهو حق يختار
احسن مما يعيش حياتو في جحيم مع واحدة
ماحتقدر تسعدو طيب
الي ماحتقدر تسعدو دي
حيعمل ليها شنو بعد مايتخلي عنها
" عريضة اعتذار عن حياتها
واحلامها وارتباطها
وتعلقا بشخص له حرية الاختيار "
#منطق_تاني
لما انتي تعملي كدا وتتلككي لي
علي غلطة عشان شخص انسب
مافكرتي انو الشخص الانسب
ممكن يكون عمل نفس الفلم
علشان كدا ربنا كافوا بيك
" القصة ما ذكاء بس الطيور علي
اشكالها بردولب تقع "
#اخيرا
حقو الناس تفكر قبل ما تعمل مقالب
في بعض
لانو ربنا موجود وكل شي بحساب
و فكرة انك قادر وقلب حجر ماميزة
لكن ضعف وجبن
لو مابتقدر تمشي ماتبدي مشوار
ولو ماقدر الوعد ماتوعد
و ماتربط مصير شخص بيك
وانت ماقدر الامانة
اتعود تعيش مع نفسك
لانو حيجي يوم تشرب من نفس الكاس
