منو القال ليك تحب أصلا
وتغشي درب نهايتو هلاك
مشيت تتغشى يالفاحل
تداقش في البلاوي براك
وأنا المسكين غلبت معاك
سقيتني المر شكيتك للذي سواك
حنين تتجازي يالغبيان
كلام الريدة صعب يتقال
و ما كل اللي قال حباك
بشيش يا خي و خلي غباك
ماك بتشوف؟! زولك اصلو ما عزاك
ولا في الشوق شبر سداك
يجامل كل زول ما عداك
قلبي أخير تفوتو ورآك
زولا في العوج وداك
وبشتن حالنا هدا بناك
أساس الريدة ما مدماك
ولا قصرا فخيم ذي داك
و ما كل التشوفو العين تجيبوا و هاك
بشيش ياخي خلي غباك
بيجينا الذينا الراسي البيصونو هواك
ليست هناك تعليقات:
إرسال تعليق