#وجع_قلب
في حاجات ومواقف بتتكرر
و تعمل ليك قلق
و كل ماتجي سيرتا بتوجعك
او تدخلك في دوامة
لمن تبقي مرتبطة بوجعك
يعني كانها شوكة في قلبك
تطعن كل ما تجي سيرتا
#بيعدي
جد القال كل شي بيعدي ماقالا من فراغ
لانو فعلا بيحصل
لما كل شوية قلبك يوجعك
بيمووووت وينعدم الاحساس
وجد مابتفرق معاك تاني
" الا كان تفتش ليك ربع خالي
تبدا منو مسيرة وجع جديد "
#وبعدين
الحل شنو؟
يعني ماهو ماممكن نخليهو
يموت حته حته كدا !!
أسوا شعور انو الشخص يعيش في قلق
احساس كانك بتموووت كل لحظة الف مرة
لكن برضو ماممكن يعلق كدا
ويفضل كانوا صاحبنا
لانو جد مابيتصاحب عدددديل
ولا ممكن ننتظر موته القلب دي
الي ممكن نموت قبلها
#فكرة
" في ناس واعين كدا
بيعرفوا يتصرفوا ويحلو مشاكلهم
ويطردوا قلقهم ياريت لو نتعلم منهم "
المهم اذا في شي ممكن يشغلنا
و يعكر علينا
اكيد في شي ممكن يعمل العكس
فنبدا رحلة البحث عن هذا الشي
و نخفف من اوجاعنا و نقول لخير
ولكن: دا ماحل دي مخدرات
لانو اول ماتشغل نفسك بشي تاني
حيجي وقت تتذكر وترجع تتوجع
#الحمد_لله
نكمل وقت تاني
عندي رحلة بحث ماشة عليها وربنا يسهل
ليست هناك تعليقات:
إرسال تعليق