نفسيات

#نفسيات                                                          
مرات كدا بتحكم معانا كدا بس من غير فهم,
اننا نقبل او نرفض شئ
 او حتي نعمل شئ كنا بنرفضوا
 لمن يجينا احساس النفسنه والضبابيه
ماف شئ مفهوم و كل الاجوبة
تختصر في كدا بس                                                  
#وبعدين
بعد مانروق ونطلع من الاجواء دي
 جد بنحس بالغباء وقدر مانفكر
مالنا الحصل علينا شنو يغلبنا
وتبدا موجه الضحك الي برضو مامفهومة
يعني لو زول سالنا بنضحك علي شنو حنتلفت
#اعتقد                                                      
كل شخص عندو حاجات بتضايقوا
 و بتغيظوا وتخلي ماممجمع
بس بيقدر يعديها و يعمل رايح  وعادي
 الحياه ماشة وماشة وماشة
وهي ماشة بتتراكم الاحاسيس والتجارب
 والحاجات الي بتغيظ دي ذاتا
 وفجاه كدا بيكون التنك وصل مرحلة الانذار
وماف مساحة فنتشجع و نمشي عكس
 ونقول لا و نعيش بمزاج
 او ينفجر ونصل مرحلة النفسنه والضبابية
#بسيطة
الفكرة كلها انو ما نفكر بسطحية
 و ماكل مره نقول عدت وبتعدي
 لازم ناخد بالنا من الصغير
 عشان يكبر صح او يختفي
 ومانعدي كل شئ لانو بكرة
حيخلينا محتارين وماعارفين السبب
#للبنحبهم
جد انتو غالين علينا
لكن برضو مرات بنجامل
ونعدي لانكم نواره حياتنا
فلو في يوم وصلنا مرحلة كدا بس
 اعذرونا وحسو بينا
ما تختوا كل اللوم علينا ولا عليكم
وعموما انا كاتبه الكلام دا كدا بس