#أمي
لمن اقول امي دا يعني انو كل الكلام انتهي
يالله علي امي ربنا يحفظها و يحميها
ذي ماراعتنا وخافت علينا
وكل حياتها كانت لينا
#بمعني
ام
يعني حياه، صبر، امل
يعني بكرة، وبعدو الي ان تقوم الساعة
وتبقي الجنه برضاها وتحت اقدامها
#حبيبتي_انا
كم مننا ممكن يقول دي امي ويعلي صوتو
بدل ماتصحي علي الشاي والجري وزحمة الدنيا
اصحي علي برها بوس ايدها و قليها ادعي لي
حتلاقي كل الزحمة اتلاشت
بدل الجري والسرحان والزهج اقعد معاها
ونسها شوية واتذكر كم سنه وهي بتراعيك
وتحكي ليك وتوعي فيك
#يعني_كبرنا ؛
لو دقينا السماء مابنكبر علي كلمة امي
ولا بنوفي اه طلعت علشانا
ولا حرمانها عشانا ولا سهرا وقلقا علينا
كتير بننشغل و مانتذكر
بس تعالو اليوم نوعد نفسنا
امهاتنا المعانا نحمد ربنا ببرهم
والي فارقونا نطلب عفوهم بدعوه وصدقة
لانهم مهما بعدو عايشين فينا
في اخلاقنا ونجاحاتنا
و في اولادنا الي حيقلدو تصرفاتنا معاهم
#بحبك_ياامي
بحبك كلمة بسيطة ساعات بنخجل نقولا
بس جرب تقول بحبك ياامي
كل السعادة الي حتملا قلبها
اضعافها حتوصل ليك راحة ورضا
#فرج
لما تضيق خلاص وتقول يارب
بتلاقي امك بتقولا قبلك
لانها بتحس بوجعك كانك لسا جواها
كانك لسا جنين في حشاها
لو عطست بيظهر عليها القلل
#ماف_كلام
ربنا يخلي امهاتنا
ويرحم الاحياء والاموات منهم
ويقدرنا علي جزاهم و يسعدهم بينا
ويجمعنا بيهم في الجنه ان شاء الله
#من_القلب
ليست هناك تعليقات:
إرسال تعليق