ما تسمع كلام البقول
ليك بطل حركات الشفع
ياخ حاجة جميلة
انك تتجاوز الحدود شوية
وتتصرف بطفولة وعفوية أحيانا
صحيح ناس كتار حيتفاجوا ويستغربوا
وممكن جدا يضحكوا عليك
بس شنو يعني؟!
في لحظات كدا ذي ساعة الحظ
ما بتتكرر كل يوم وعادي بيحصل
انو الشخص من كتر العلي يطلع من طورو
يعني شنو لو طلعت في المطر وابتليت ؟!
" غير ملابسك وتعال كانوا ما حصل شي "
يعني شنو لو كنت عاقل
ومسامح و تعبت خلاص ؟!
صرخ باعلي صوت طلع الجواك
" طبعا حيقولوا مجنون "
لو في شئ غايظك اقعد مع نفسك
وكلما بصوت و ابكي ابكي لمن ترتاح
" ماف زول حيريحك غير نفسك "
شوفت الشفع إلي بيلعبوا كوره قدام البيت
وكل شوية يضربوا الباب خليهم
وبدل تكورك فيهم اطلع حكم ليهم
ولدك الي شايف نفسوا كبر
وما ينفع يبوس خدك يا يما ذي زمان
صحي ذي زمان " يا ابني الأم لكل زمان "
انتيمك الي طولتا منو انتظروا
يفتح الباب الصباح يلقاك في وشوا
تميم أفراحنا الي بقي مشغول
مع بيتنا و أولادنا ومصاريفنا
أتشبكي فيهو واسرقي يوم
علشانكم بدون مقدمات وطلبات
جد في حاجات ظريفة جدا
و أحيانا مجنونة بتخلينا مرتاحين
و ممكن تغير فينا من جوا
بدون ما نحس جربوها بس
ما دائما عشان ما يعزلونا في مصحة
ااااااي إقتراااحات ؟؟؟
#حاجات_صغيرة
ليست هناك تعليقات:
إرسال تعليق