#احساس_العيد
احساس انك مانايم كويس
بس صاحي نشيط
اعادة مكوه الجلابية الصباح
ترتيب بمزاج وبخور بريحة العيد
ريحة ترد الروح
والباب مشرع مفتوح للكل
العيد احساس انك مبسوط وسعيد
ومسامح كل الكون بكلمتين العفو والعافية
احساس الشوق لصلاه العيد قدام الحلة
في ساحة العيد الي طلعوا كل الناس
نظموها و رتبوها واتاكدوا انها جاهزة
احساس الشوق لناس من زمن غايبين
و اسئلة الغالين انت ود منو؟! انتي بت منو؟!
عرفتيني؟! انا بقرب ليك شنو؟!
احساس بالحنين ودعوات لكل البعيدين
ولكل الي غادرونا وكانو جزء من اعيادنا
احساس طفولي بيرجعنا لاجمل ايام
العيد فرحة و اطفال حلوين بيوزعوا السعادة
علي كل بيت بكلمة كل سنه وانتو طيبين
العيد امل و بداية جديدة صافية
فكل سنه و انتو طيبين
و عيد سعيد
وينعاد عليكم بالف خير
والعفو والعافية ... لله والرسول
ليست هناك تعليقات:
إرسال تعليق