#أخر_إمتحان
يالله من السعادة الي بنحسها
لمن تعاين للجدول وتلقي اخر امتحان
تعاين شنو؟! اصلا نحنا بتكون عادين ليهو
ذي يوم العيد تمام ..
مع اننا عارفين ومتاكدين انو ما اخر وداع
قصدي مااخر امتحان في الحياه
لكن برضو في احساس بالوداع
يلا القراية لاخر امتحان فشل زريع
كل ماتقرا ليك صفحة تقول يالله هانت
" هو بالحوى لكن؟! "
ما هو لو ماظبط حتعيدو وتشرب المقلب
فاحسن الناس تركز...
طبعا دي كلو براااهو من غير
اعراض ايام الامتحانات العادية
ناس التعب والنعاس المفاجي
المتزامن مع حضور الورقة والقلم
والجوع بعد الاكل والزغللة
والحروف المتطايرة
وحدث ولا حرج
لكن برضو ماف فايدة
وبعدين الزمن كانو دافرنو دفر
دا كان شئ تاني كان لقينا قدامنا !!
وبرضو نرجع لقصة احسن الناس تقرا
#دعوات
طبعا في الوقت دا
بتكون محتاح لكل الدعوات
واي زول يسال تقولي ادعي لي
والله القصة محتاجة
من الفرح الناس قلبا مات
و ماشافت حرف
الدعاء دا عشان ربنا يثبتا من الصدمة
لمن الورقة يبقي لونا بمبي
#قبل_وبعد
قبلوا اي زول بسالك عن اجابة
"طبعا انت بتكون ماعارف"
بيكون الرد ياخ دا اخر امتحان
"اجي يااخواني"
و بعدو اها اشتغلتا كيف ياجماعة
"قلنا اخر امتحان"
ياخ اخر امتحان دا حلو كيف!!
مابنكون متذكرين شئ
وكان اتذكرنا اسم الكورس
نكون ماقصرنا
وربنا يقدرنا علي فرحة اخر امتحان
نتلاقي وقت تاني عندي
امتحان اخير ماشة علي ....
#استثناء
" دقيقة محافظه علي حقوق البقية
جد في ناس كويسين
ماعندهم متلازمة اخر امتحان
والله ولي التوفيق "
ليست هناك تعليقات:
إرسال تعليق